Reflexión Grupal Sesión presencial: O noso PLE (06/10/2017)

   De todas as sesións presenciais do Posgrao en Orientación Laboral Aberta, decidimos escoller a do 6 de Outubro de 2017, de 16:00 a 20:30, para reflexionar, porque cremos que de todas as sesións de ata agora, foi a máis intensa e na que traballamos máis duramente, a parte de ser moi instructiva en canto a ferramentas 2.0 de procura, xestión e almacenamento da información.

   A sesión foi impartida por Carlos Parada Gandos que xa nos tiña avisado de que ía ser intensa, pero non pensamos que sería unha clase na que a nosa atención tivese que estar o 100% a cada minuto. Seguro que todos saímos, esa tarde "infoxicados" da cantidade de información nova e ferramentas coas que Carlos "nos bombardeou", pero tamén saímos cunha mochila chea de ferramentas descoñecidas para moitos de nós coas que poder traballar na rede e que son e serán de moita utilidade para o noso traballo actual e futuro.


   Comezamos tranquiliños, debuxando con lápices de cores nun papel o noso PLE. Aquí tendes o resultado dos nosos:

Os nosos PLE iniciais

   As siglas PLE, son o acrónimo de Personal Learning Environment (Entorno Personal de Aprendizaxe), unha nova forma de entender como se aprende e unha maneira de aprender concreta, que inclúe ferramentas de lectura, ferramentas de reflexión e creación de contidos, e ferramentas de relación, e que se leva a cabo nun ecosistema concreto que é o das TICs. 

   Pensamos que esto do PLE, non é tan novo, pero antes a nosa aprendizaxe e as nosas fontes de información e a forma de relacionarnos, estaban limitados a unha estructura máis ríxida, ou podemos incluso chamala “formal” (escola, libros, locais sociais, radio, televisión, etc.), pero agora temos que ser conscientes e recoñecer que a nosa forma de aprender e educarnos mudou, e que a tecnoloxía nos leva a dianteira en todo o que ten que ver coa información, coa xeración de novos contidos e coñecementos, a un ritmo vertixinoso, que moitas personas non son, ou somos, capaces de asumir, aproveitar, entender, dixerir, coñecer, relacionar, etc.

Número de datos que se xeran nun minuto nalgunhas web

   Este exceso de información pode chegar a pasarnos factura e chegar á INFOXICACIÓN. Este é un neoloxismo acuñado por Alfons Cornella (1999) para aludir á sobresaturación de información.

   Estar infoxicado é a consecuencia de estar sempre ON, de recibir centenares de informacións cada día, ás que non somos quen de adicar o tempo necesario, e non poder afondar e brincar dunha cousa a outra, podendo chegar a crear certa desazón e incluso parálise ante tanto "insight".

  Para non caer na infoxicación é necesario facer un traballo importante de filtrado e de priorización daquelo que realmente sí pode ser do noso interese. Debemos ser críticos coa información que obtemos na rede e non gastar máis tempo do necesario nesta tarefa. 

   Supoñemos que Carlos, quería darnos unha "pílula" para prever a infoxicación, polo que o seguinte que fixo na clase foi mostrarnos as ferramentas 2.0 esenciais para loitar contra ela, ferramentas técnicas de CURACIÓN de contidos, para filtrar información e capturar aquela que sí nos importa, separando "o gran da palla".

   Como dixo o propio Carlos: "é hora de pór a traballar a internet para nós". 

   Gran parte da sesión, traballamos sobre dúas destas ferramentas e o seu funcionamento que foron esencialmente Feedly e Scoop.it, e en menor medida, Diigo, aplicativos online que imos a desenvolver un pouco máis a continuación.

1. FEEDLY:

   Unha das ferramentas que nos pareceu máis útil a todos os compoñentes do grupo foi Feedly, un instrumento de curación de contido que evita a infoxicación para non caer na parálise da que falamos antes, para o aforro de tempo na procura de información e para saber xestionala.

   Cómpre dicir que é o propio usuario o que configura as procuras de información e contidos, podendo mellorar o seu PLE dunha forma exponencial. Esta personalización resulta moi útil no caso dunha cantidade masiva de direccións web, sobre todo porque evita o rexistro de boletíns das diferentes páxinas que utilicemos.

    A interfaz ademáis de sinxela e moi intuitiva, permitindo o seu uso de esta forma a xente que non está acostumada a traballar con este tipo de ferramentas, é clara e agradable visualmente.

   Pasando ao seu uso, resulta unha ferramenta moi sinxela de configurar. Polo de pronto só hai que clicar no botón “Add Content” e aparece un espacio de escritura onde poder poñer as palabras clave para buscar o contido desexado. No caso de non aparecer o que buscamos, sempre podemos ir á propia páxina que queremos insertar en Feedly e pegar a súa URL sempre que remate nunha barra diagonal “/”. Poremos un exemplo: “http://www.igape.es/es/actualidade/”. Como podemos observar na URL, estamos no apartado de novas ou actualidade do IGAPE, polo que seguiremos esa páxina no Feedly, e cada vez que exista unha nova entrada no apartado actualidade daranos o aviso, mostrando o título do contido e podendo entrar nel a lelo, gardalo tanto na propia aplicación coma no Evernote ou compartilo en Twitter, Wordpress ou Linkedin.

   Outra cousa interesante é que a versión de balde permite introducir ata 100 fontes de información. Ademáis pódese sincronizar tanto con Smartphones coma con Tablets, permitindo así unha accesibilidade enorme en diferentes plataformas.

   En definitiva, Feedly é un instrumento de xestión de contido que é accesible en múltiples plataformas, pensado para tódolos públicos debido á facilidade que da de uso. No caso de quedar sen espacio sempre se pode crear outro email e ter acceso a 100 fontes de información máis. Útil ata dicir basta, a ferramenta perfecta.

Outros xestores de información e contido

   Para os que lle interesen estas aplicacións, habería que nomear alternativas a Feedly. Entre todas as que hai, as máis utilizadas e con mellores críticas son: Flipboard e Inoreader.

2. SCOOP.IT!:

   O Scoop.it é outro curador de contidos que nos permite reunir información e publicala de maneira visualmente atractiva na rede, ademáis de clasificala en categorías previamente definidas (topics) e compartila nas redes sociais (Twitter, Linkedin, Facebook, etc.). Con esta ferramenta podemos crear as nosos propios "periódicos" dixitais.

  Crear un perfil nesta ferramenta é gratuíto (aínda que tamén existe unha versión de pago). Con Scoop.it! podemos compartir contidos propios ou artigos extraídos da rede e comentalos. A información difúndese tal e como se fai na rede social Twitter ou Facebook, aínda que cunha diferencia fundamental que é a de poder clasificala por temas. Ademáis podemos crear unha comunidade de seguidores e incluso usar tópicos que sexan do noso interese para estar sempre na "primicia" que é o que significa Scoop en inglés. 

   Outro dos puntos a favor de Scoop.it é que recomenda contidos a través das palabras clave e tamén recomenda artigos doutros usuarios, o que nos permite atopar perfis con intereses similares ós nosos. Ademáis o contido que agregamos a Scoop.it pode ser encontrado a través de motores de busca.

   Se se usa a versión "free" (gratuita) ten certas restriccións, como a limitación do número de tópicos que se poden crear, pero ten a vantaxe de reunir artigos e publicacións por temas. Conta con pros e contras, coma todas as ferramentas 2.0 na súa versión gratuita.

3. DIIGO:

   Outra das ferramentas 2.0 que vimos, non tan polo miudo, nesta sesión foi Diigo. É un marcador social que nos permite gardar online as direccións dos nosos sitios web favoritos mediante un sistema de etiquetaxe sinxelo e de fácil localización.

   Neste momento xa é tamén unha rede social xa que podemos ir aprendendo de todo aquelo que os demáis rexistran, tendo varias funcionalidades interesantes coma os post-it, resaltado de parágrafos, creación de foros, etc.

    Para saber máis aquí vos deixamos un tutorial:

4. STORIFY: 

   Outra ferramenta que nos amosou Carlos nesta sesión, aínda que algúns do posgrao xa o usaron, é o Storify. Como indica ó seu nome é unha web para crear historias. En realidade o seu uso máis normal é para crear informes e gardalos ou publicalos, aínda que cada vez máis se vai convertindo nunha rede social na que poder crear contidos e presetalos dunha forma secuenciada. 

   Como exemplo, vos deixamos o STORIFY da sesión que relatamos nesta entrada:

5. REDES SOCIAIS: 

Poñendo como exemplo Twitter, unha das redes sociais máis famosas que existe na actualidade, Carlos explica o que é esta estructura social da web. É unha aplicación gratuita, unha rede de microblogging que posee as vantaxes dos blogs, da mensaxería instantanea e doutras redes sociais, xa que moitas persoas arredor do mundo comparten información en tempo real, a través dos "chíos" e os rechíos.




REFLEXIÓN GRUPAL

   Para finalizar este artigo, faremos unha valoración grupal na que todos coincidimos en canto á materia dada, os instrumentos utilizados e os obxectivos alcanzados.

   Unha vez coñecimos as nosas fontes de información e estudado o noso PLE, podemos dicir que este foi ampliado gracias ás ferramentas coas que aprendimos a traballar nesta sesión, sobre todo á hora da procura de contido ou información, as horas perdidas en entrar en foros, diferentes blogues ou páxinas webs foi reducida de forma abismal gracias a estas aplicacións online. Xa non só iso, senón poder acceder a unha información xa filtrada e "curada" e incluso poder almacenala cun simple "click", é un avance moi importante en canto á xestión do contido e tempo gracias á web 2.0.
 

   Xa temos novas ferramentas para o noso PLE. Animádevos a probalas!!!!

Para saber máis...

- Educación Superior en Red
- Vídeo Jordi Adell

- Infoxicación
- Observatorio tecnológico